"PWEDE BA?"
I.
Apat na taong pagsasama, sasayangin pa ba?
Sa lahat ng gawain tayong magkasama
Bawat tawanan, iyakan, itatapon na lang ba?
Pangarap at dalangin ko’y tinupad mo na
II.
Sa lahat ng bagay ay kahati ka
Kwento ng buhay ko’y saulo mo na
Turingan natin ‘di na kayang sukatin pa
Nagkalamat lang ‘to pero buo ‘di ba?
Chorus:
Pwede pang maayos ‘di ba?
Pwede pa nating makita
Pagsasamahang tila walang katapusan
Pwede pang maayos ‘di ba?
Ang nakaraan nating dalawa
Pagkakaibigan walang mas hihigit pa
III.
Sinubukan ko ang mag-isa, ‘di ko kinaya
Nakita ko lang akong lumuluha
Pati tuloy ang buhay mo nagulo ko na
Patawarin mo ko, ‘di ko ‘to sinasadya
IV.
Marami akong pagsasala, inaamin ko ‘yun
Pero ang buhay na wala ka,
Para sa’n pa ‘to?
Chorus:
Pwede pang maayos ‘di ba?
Pagsasamahang titibay pa
Pagsubok lang ‘to para sa’ting dalawa
Pwede pang maayos ‘di ba?
Pangako ko ba’y nalimot mo na?
Sabi ko sa’yo ‘di ka mag-iisa
Coda:
Takot akong mawala ka
Takot akong maramdamang iniwan mo na
Oras mo ay mabawasan
Takot akong mapunta ka sa iba
Chorus:
Pero alam mo mahal kita
Kung sa’n ka masaya, susuportahan kita
Kaligayahan niyong dalawa’y hinihiling ko na
Katotohanan aking tatanggapin
‘Wag lang mawala pagsasama natin
Pwede pa natin ‘to ayusin ‘di ba?
Proverbs 12:26
A righteous man is cautious in friendship,
but the way of the wicked leads them astray.
